Мэдээлэл боловсруулалт
Мэдээлэл засалт
ХАА -н анхдугаар тооллогод газарзүйн мэдээллийн системд сансрын зургийг ашигласан нь ҮСХ -оос зохион байгуулж байсан өмнөх тооллогуудаас давуутай болсон . Тооллогын мэдээллийг компьютерт оруулах , шалгах , засварлах програм хангамжийг мэдээлэл боловсруулалтын бүхий л үе шатны бодлогын даалгаврыг боловсруулж, уг бодлогын даалгаварт үндэслэн програм хангам жийг зохиосон . Мэдээллийн нууцлал , аюулгүй байдлыг хангах зорилгоор мэдээллийг компьютерт оруулах ажлыг ҮСХ -н дээр төвлөрүүлэн хийж, шалгах , засварлах зэрэг боловсруулалтын бүх шатны ажлыг ХАА -н тооллогын ажлын баг хариуцан ажиллалаа . Мэдээллийг компьютерт оруулах програм хангамжийг CSPro програм хангамж, статистикийн дүн шинжилгээ хийх SPSS програмын тусламжтайгаар тооллогын үр дүнг боловсруулав. Мөн тооллогын мэдээллийн кодлолтонд ангилал , кодын хайлтын сүлжээний програм хангамжийг ашигласан. ХАА -н тооллогын мэдээллийн боловсруулалтыг богино хугацаанд , чанартай хийж гүйцэтгэхийн тулд түр ажилтан авч ажиллуулсан . Тооллогод 2 ээлжийн ахлагч, 30 гаруй оператор боловсруулалтанд оролцсон.
