Түүвэрлэлт
Түүвэрлэлт
Монгол Улсад анх удаа 2002-2003 онд “Ажиллах хүчний судалгаа” (АХС)-г Хүүхдийн хөдөлмөрийн талаарх хавсарга судалгаа (ХХС)-тай хамтруулан явуулсан. Ажиллах хүчний судалгаатай хамтруулан хүүхдийн хөдөлмөр эрхлэлт(ХХС)-ийн талаар улсын хэмжээнд анх удаа өргөн хэмжээний мэдээлэл цуглуулсан нь хүүхдийн эдийн засгийн идэвх, хүүхдийн ажил, хөдөлмөрийн цар хүрээ, төлөв байдлын талаарх мэдээллийн баялаг санг бүрдүүлж байгаагаараа онцлог юм.
Энэхүү судалгааг байршлын хувьд Монгол Улсыг бүхэлд нь хамруулан өргөн цар хүрээнд явуулахаар төлөвлөж, хот, хөдөөгийн хүн амын ажил эрхлэлт, ажилгүйдэл, хүүхдийн хөдөлмөрийн талаарх бодитой тоо мэдээг цуглуулахад улсын хэмжээнд 4 бүс нутаг, Улаанбаатар хотын нийт 12,800 өрхөөс асуулга авахад хангалттай гэж үзсэн. Хүүхдийн хөдөлмөрийг 5-17 насны хүүхдээс асуусан. Энэ нь хүүхдийн ажил эрхлэлтийн үзүүлэлтүүдийг бодитой тооцоход хангалттай төлөөлж чадах хүрээ болно гэж үзсэн.
