Таны ажилладаг аж ахуйн нэгж , байгууллагын төрөл
(V44)
Файл: AXC 2002-2003
Ерөнхий мэдээлэл
Төрөл:
Салангид
Талбарын төрөл: numeric
Өргөн: 2
Аравтын бутархай: 0
Хүрээ:
10-70
| Тохиолдлууд: 20277 (899282.2)
Хүчингүй: 29671 (1329546.5)
|
Тодорхойлолт
ХЭАА: Энд нийт хөрөнгийнх нь 51 ба түүнээс дээш хувь нь хувийн өмчтэй аж ахуйн нэгж,байгууллага орно.
Нөхөрлөл: Нөхөрлөл гэдэг нь ашгийн төлөө ажилладаг гишүүдийн оруулсан хувь хөрөнгөөс бүрдэх эд хөрөнгөтэй, хүлээсэн үүргээ уг эд хөрөнгө болон гишүүдийн хувийн өмчийн эд хөрөнгөөр хуульд заасны дагуу хариуцдаг.
Хоршоо:Энд нийт хөрөнгийнх нь 51 ба түүнээс дээш хувь нь хувийн өмчтэй компани, хувийн өмчийн аж ахуйн нэгж орно.
Хувьцаат компани:Хувь нийлүүлэгчийн оруулсан хөрөнгө нь хувьцаанд хуваагдаж, хувьцаа нь нийтэд чөлөөтөй арилжаалагддаг, өөрийн тусгайлсан хөрөнгөтэй, ашгийн төлөө үндсэн зорилготой компанийг нээлттэй буюу хувьцаат компани гэнэ.
ХХК:Хязгаарлагдмал хариуцлагатай компани гэдэг нь хувь нийлүүлэгчийн оруулсан хөрөнгө нь хувьцаанд хуваагдаж, түүнийг захиран зарцуулах эрх нь компанийн дүрмээр хязгаарлагддаг, өөрийн тусгайлсан хөрөнгөтэй, ашгийн төлөө үндсэн зорилготой хаалттай компанийг хэлнэ.
УҮГ:Нийт хөрөнгийнх нь 51 ба түүнээс дээш хувь нь төрийн өмчтэй аж ахуйн нэгж, байгуулага орно.
Төрийн, төсөвт байгууллага:Энэ ангилалд төсөвт бүх байгууллагууд орно. Энд нийт хөрөнгийнх нь 51 ба түүнээс дээш хувь нь төрийн өмчтэй компани, төрийн өмчийн аж ахуйн нэгж, байгуулага орно.
Төрийн бус байгууллага:Энэ ангилалд ашгийн төлөө бус буюу холбоо, сан, хоршоо, олон нийтийн байгууллага, мөн шашны төрөл хэлбэрээс үл хамааран бүх төрлийн шашны байгууллага багтана. Энд:
- Холбоо гэдэг нь нэгдмэл, тодорхой зорилго тавьсан хэд хэдэн этгээд сайн дурын үндсэн дээр нэгдэж байгуулсан, гишүүнчлэл бүхий хуулийн этгээд юм.
- Нэг буюу хэд хэдэн үүсгэн байгуулагч нийгэмд ашиг тустай, нэгдмэл зорилгод хүрэхийн тулд эд хөрөнгө төвлөрүүлэх замаар байгуулсан гишүүнчлэлгүй хуулийн этгээдийг сан гэнэ.
- Эдийн засгийн болон нийгэм, соёлын нйитлэг хэрэгцээгээ хангах зорилгоор хэд хэдэн этгээд сайн дураараа нэгдсэн, хамтын удирдлага, хяналт бүхий дундын эд хөрөнгө дээр үндэслэн үйл ажиллагаагаа явуулахаар байгуулсан хуулийн этгээдийг хоршоо гэнэ.
Хувиараа хөдөлмөр эрхлэгч:Өөрөө бие даан үйлдвэрлэл, үйлчилгээ эрхлэн бий болгосон бүтээгдэхүүн үйлчилгээ, ашиг орлогоороо хувийн болон өрхийн хэрэглээгээ хангаж байгаа иргэн, өрхийн гишүүдийг хэлнэ.
Хүрээ
Өрхийн 5 ба түүнээс дээш насны бүх гишүүд хариулна.
Асуулт болон зааврууд
Асуултын тайлбар
Өрхийн гишүүдээс өнгөрсөн 7 хоногт ажил хийсэн, мөн ямар нэг шалтгааны (өвчтэй, амралттай, түр чөлөөтэй, г.м ) улмаас ажил хийгээгүй боловч тогтмол ажилтай хүмүүсийн үндсэн болон давхар ажил эрхлэлтийн байдлыг ажилласан хугацаа, эдийн засгийн үйл ажиллагааны салбар, аж ахуйн нэгж байгууллагын төрөл, сүүлийн 7 хоногт ажилдаа зарцуулсан цаг зэргээр тодруулан асуух зорилготой.
Асуулт
Таны ажилладаг аж ахуйн нэгж, байгууллагын төрөл ?
Ярилцлагын заавар
Тухайн хүний ажилладаг аж ахуйн нэгж, байгууллагын төрлийг асууж, асуулгын хуудасны доод хэсэгт өгөгдсөн тохирох кодыг ашиглана.
