Асуулт
Аль шатны сургууль /анги/ төгссөн бэ ?
Ярилцлагын заавар
15-р асуултанд 1-ийн тоог дугуйлсан тохиолдолд энэ асуултыг асууна. Өрхийн гишүүдийн төгссөн сургууль, ангийг асууж, сургуулийн холбогдох шифрийг дугуйлаад, төгссөн ангийн дугаарыг `анги` гэсэн баганад бич. Боловсролын түвшинг дараах зүйлийг баримтлан тогтооно. үүнд:
1.Боловсролгүй
Бага боловсрол эзэмшээгүй хүмүүс хамаарна.
2.Бага боловсрол
*ерөнхий боловсролын бага сургуулийн 4-р анги (1975 оныг хүртэл хуучин системээр)
*1975-1996 оныг дуустал 3-р анги
*1997 оноос хойш 4-р анги төгссөн хүмүүсийг бага боловсролтой гэж үзнэ.
3.Бүрэн бус дунд боловсрол
Ерөнхий боловсролын 7-р анги (1975 он хүртэл хуучин системээр), 8-р анги төгссөн үнэмлэхтэй хүмүүсийг бүрэн бус дунд боловсролтой гэж үзнэ.
4.Бүрэн дунд боловсрол
Ерөнхий боловсролын сургуулийн 10(11)-р ангийг өдөр, оройгоор төгссөн үнэмлэхтэй хүмүүсийг
бүрэн дунд боловсролтой гэж үзнэ.
5.Техник мэрэгжлийн боловсрол
Техник мэрэгжлийн сургууль, мэргэжлийн сургалт үйлдвэрлэлийн төв төгссөн үнэмлэхтэй хүмүүсийг
техник мэрэгжлийн боловсролтой гэж үзнэ.
6.Тусгай мэргэжлийн дунд, бүрэн бус дээд боловсрол
Гадаад дотоодын тусгай мэргэжлийн дунд сургууль, түүнтэй адилтгах сургууль төгссөн үнэмлэхтэй хүмүүсийг тусгай мэргэжлийн дунд боловсролтой гэж үзнэ.
Бүрэн бус дээд боловсролтой хүмүүст:
*Улсын багшийн их сургуулийг 1964 оноос өмнө 3 жилээр төгссөн,
*Намын дээд сургуулийг 1966 оноос өмнө төгссөн
*Марксизм- Ленинизмийн оройн дээд сургууль,
*Дорно дахины хөдөлмөрчдийн их сургууль (КУТВ) төгсөгчид
*Их, дээд сургууль, коллежид 1994 оноос хойш 3-аас доошгүй жил суралцаж, дипломын зэрэгтэй боловсрол эзэмшигчдийг хамруулна. Жишээ нь Санхүү, эдийн засгийн дээд сургуульд 3 жил суралцаж, дипломын зэрэгтэй боловсрол эзэмшсэн боловч кредит баллын үнэлгээгээр буюу эсвэл тодорхой
сэдвээр дипломын ажил бичиж хамгаалан баклавр, магистрын зэрэгтэй боловсролын диплом аваагүй хүмүүсийг бүрэн бус дээд боловсролтой гэж үзнэ.
7.Дээд боловсрол
Гадаад, дотоодын их, дээд сургууль төгссөн хүнийг (баклавр, магистрын зэрэгтэй диплом, түүнтэй
адилтгах үнэмлэхтэй бол ) дээд боловсролтой гэж үзнэ. Түүнчлэн коллеж, түүнтэй адилтгах сургуулийг баклавр түүнээс дээш зэрэгтэй төгсөгчдийг мөн түүнд хамруулна.
Анги: Сургуульд сурч байсан гэхдээ нэг ч анги төгсөөгүй тохиолдолд ангийн дугаарыг 00, хэрэв төгссөн эсэх мөн төгссөн ангийн дугаарыг мэдэхгүй бол 99 гэж бич. Их, дээд, тусгай мэргэжлийн дунд сургууль, коллежийн хувьд: ангийн дугаар гэдэгт курсын дугаарыг бичнэ.
