Монгол улс - ӨНЭЗС 2012

Хувилбар 1.0

ӨНЭЗС нь хүн амын амьжиргааны түвшин, ядуурлын байдлыг тодорхойлохоос гадна өрхийн орлого, зарлагыг тооцох, хэрэглээний үнийн индекст ашигладаг сагс болон жинг шинэчлэх, ДНБ-ийг хэрэглээний аргаар тооцоход шаардлагатай мэдээлэл гаргах зорилготой улсын хэмжээнд төлөөлөх чадвартай судалгаа юм. ӨНЭЗС-г ҮСХ-ноос тогтмол явуулж байгаа бөгөөд нэг жилийн хугацааг хамруулан дүн шинжилгээ хийж байна. Энэхүү тайланд 2012 оны 1-р сараас 12-р сарыг дуусталх бүтэн 12 сарын хугацааг хамруулав. ҮСХ амьжиргааны түвшинг тодорхойлох судалгааны хэвшмэл хэд хэдэн модулийг урьд нь тасралтгүй явагддаг байсан ӨОЗС-нд нэгтгэн 2007 оноос эхлэн энэхүү судалгааг явуулж буй бөгөөд судалгааны үзэл баримтлалын дагуу хураангуй болон дэлгэрэнгүй гэсэн хэлбэрээр зохион байгуулж байна. Харин энэ удаагийн 2012 оны судалгааг дэлгэрэнгүй хэлбэрээр явуулсан бөгөөд 2007/2008 оны судалгаанд орж байсан модулиудыг оруулж дараах 15 модультайгаар асуулгын маягтаа боловсруулсан. Үүнд: өрхийн гишүүдийн тухай нийгэм, эдийн засгийн үндсэн мэдээлэл, боловсрол, эрүүл мэнд, нөхөн үржихүй, шилжих хөдөлгөөн, ажил эрхлэлт, газар тариалан ба мал аж ахуй, өрхийн хөдөө аж ахуйгаас бусад аж ахуй болон бусад орлого, орон сууц ба эрчим хүч, удаан эдэлгээт бараа, хүнсний бус зарлага, хүнсний хэрэглээ, хоол тэжээлийн хөтөлбөрийн үнэлгээ зэрэг болно.

Өрх болон өрхийн гишүүд