Мэдээлэл цуглуулалт
Мэдээлэл цуглуулалтын огноо
| Эхлэх | Дуусах | Цикл |
|---|
| 2019-01-01 | 2019-12-31 | Улирал бүр |
Хугацааны үе |
Мэдээлэл цуглуулалтын бодлого
Face-to-face [f2f]
Мэдээлэл цуглуулалтын тэмдэглэгээ
Судалгааны мэдээлэл цуглуулах ажлыг улирлаар зохион байгуулсан бөгөөд 2019 оны гурав, зургаа, ес, арванхоёрдугаар сарын гурав дахь долоо хоногт зохион байгуулан явууллаа. Судалгааны мэдээлэл цуглуулалтын ажлыг сонгогдсон аймгийн Статистикийн хэлтсийн дарга нар ахалж, өрхөд суурилсан судалгааны ярилцлага авагч нар мэдээлэл цуглуулсан.
ЦАС-ны нэг зорилго нь 7 хоногийн өдрүүдэд хүн амын хийж буй ажлын ялгаатай байдлыг харах учраас бид судалгааны мэдээлэл цуглуулалтыг улирал бүр нэг бүтэн долоо хоногийг хамруулж өдрийн тэмдэглэл хөтлүүлсэн. Судалгааны өдрийн тэмдэглэлийг сонгогдсон өрхийн 12, түүнээс дээш насны гишүүд хөтөлсөн. Өдрийн тэмдэглэлийг хөтлүүлэхдээ 7 хоногийн гарагуудыг 3 бүлэгт (1. Ням, Даваа, Мягмар, 2. Лхагва, Пүрэв, 3. Баасан, Бямба) хуваан бүлэг тус бүрт тэнцүү тооны өрх ногдуулж зохион байгуулсан.
ЦАС-нд мэдээлэл цуглуулалтын холимог аргыг ашигласан. Тодруулбал, өрхийн мэдээллийг цуглуулахдаа компьютер ашиглан ярилцлага авах (CAPI) аргыг, өдрийн тэмдэглэлийг хөтлүүлэхдээ цаасан асуулга ашиглах болон ухаалаг утасны аппликейшн ашиглах аргуудыг хослуулан хэрэглэсэн. Өдрийн тэмдэглэлийг цаасан маягт ашиглаж хөтөлсөн тохиолдолд ярилцлага авагч нар үйл ажиллагааг кодлоод таблет дээрээ мэдээллийг шивж оруулсан. Харин гар утасны аппликейшн ашиглаж өдрийн тэмдэглэл хөтөлсөн тохиолдолд ҮСХ-ны серверт хувь хүн өөрөө дамжуулсан. Судалгааны мэдээлэл цуглуулалтын CSPro 7.0 (тооллого, түүвэр судалгааны мэдээлэл боловсруулах систем) программыг ашигласан. Ухаалаг утасны аппликейшнийг хөгжүүлэхдээ андройд болон ios үйлдлийн системд зориулан риакт натив (react native) программ хангамжийг ашигласан.
