МИКРО МЭДЭЭЛЛИЙН САН
Уг каталоги нь ҮСХ-ны хэмжээнд зохион байгуулагдсан тооллого, судалгаанаас гадна улс орны хэмжээнд явагдаж буй бүх төрлийн тооллого, судалгааны мэдээллийг агуулах бөгөөд бусад байгууллагуудтай хамтран ажиллах болно. Үүний эхний алхам нь Эрүүл мэндийн яамтай хамтарч байгаа явдал юм. Каталогит судалгааны арга, аргачлал, агуулга, хэрхэн зохион байгуулагдсан тухай мэдээллийг агуулахаас гадна тэдгээрийн микро мэдээллийн файл, холбогдох материалуудыг харах, татаж авч ашиглах боломжийг олгоно.


Монгол улс - Аж ахуйн нэгжийн 2021 оны тооллого, ААНБ 2021

AANBT
Судалгааны дугаар DDI-MNG-NSO-MN-AANBT-2021-v1.0
Он 2021
Улс Монгол улс
Гүйцэтгэгч
Судалгаа
Аж ахуйн нэгж, байгууллагын тооллого
Мета мэдээлэл DDI татах RDF татах
Үүссэн огноо Jun 15, 2023
Сүүлд шинэчилсэн огноо Aug 31, 2023
Хуудасын тоо 54527
Татагдсан тоо 2583

Мэдээлэл боловсруулалт
Мэдээлэл засалт

Тооллогоор цуглуулсан мэдээллийн үзүүлэлтийн бүрэн бүтэн байдал, уялдаа холбоо, бусад эх үүсвэрүүдтэй уялдуулах шалгалт, шаардлагатай тодотголыг орон нутаг, ҮСХ-нд хийсэн. Эдийн засгийн үйл ажиллагааны салбарын ангилал, ажил мэргэжлийн ангилал, хариуцлагын болон өмчийн хэлбэр, төрийн бус байгууллагын үйл ажиллагааны ангилал, кодлолтыг нэг бүрчлэн шалгаж, өөрчлөлтийг тусгасан.

Эдийн засгийн үзүүлэлтийг статистик, татвар, санхүү, нийгмийн даатгалын тайлангуудтай уялдуулан шалгах дүрэм, түүний алгоритмыг боловсруулж, программчилсан. Мэдээллийг шалгах үйл ажиллагаанд ҮСХ-ны Бизнесийн бүртгэл, тооллогын хэлтэс, Үндэсний тооцооны хэлтэс, Эдийн засгийн статистикийн газрын ажилтнууд оролцсон. Тооллогын мэдээллийг шалгахад шилэн данс, төрийн худалдан авах ажиллагааны цахим систем, тусгай зөвшөөрөл олгодог яам, агентлаг, төрийн байгууллагуудын цахим хуудас, хувийн аж ахуйн нэгж, байгууллагуудын цахим хуудсыг ашигласан.

Тооллогын үр дүнгийн үзүүлэлтийг MSSQL, SPSS 26.0, ArcGIS программыг ашиглан тооцож боловсруулсан.

Үндэсний Статистикийн Хороо 2022 он