Монгол Улс - Хүүхдийн хөдөлмөрийн судалгаа 2021-2022

Монгол Улсын Үндэсний статистикийн хороо нь Олон улсын хөдөлмөрийн байгууллагын Хүүхдийн хөдөлмөрийг устгах олон улсын хөтөлбөрийн санхүү, техникийн дэмжлэгтэйгээр “Хүүхдийн хөдөлмөрийн судалгаа”-г 2002-2003, 2006-2007, 2011-2012 онуудад “Ажиллах хүчний судалгаа”-ны модуль хэлбэрээр, олон улсын аргачлалын дагуу зохион байгуулж, үр дүнг тархааж байв. Эдгээр судалгаануудын үр дүнд, хүүхдийн хөдөлмөр, аюултай ажилд оролцуулахыг устгахад чиглэсэн бодлого, хөтөлбөрийг боловсруулахын тулд хүүхдийн хөдөлмөрийн статистикийн мэдээллийг тодорхой давтамжтайгаар баяжуулан, бий болгох шаардлагатай байгаа нь тогтоосон. Энэ хүрээнд Үндэсний статистикийн хороо нь Олон улсын хөдөлмөрийн байгууллагын Хөдөлмөрийн хүрээний суурь зарчим ба эрхийн асуудал хариуцсан хэлтэс (FUNDAMENTALS) болон Америкийн нэгдсэн улсын Хөдөлмөрийн департментын санхүү, техникийн дэмжлэгтэйгээр “Хүүхдийн хөдөлмөрийн судалгаа”-г 2018 онд батлагдсан шинэ аргачлалын дагуу 2021-2022 онд анх удаа бие даасан хэлбэрээр зохион байгууллаа.